Казанлыларга «Десятка в обратку» онлайн-ярышларында катнашырга тәкъдим итәләр

(Казан шәһәре KZN.RU, 14-нче май). Казанлылар «Десятка в обратку» онлайн-ярышларында катнашырга тәкъдим итәләр. Чара йөгерергә яратучыларга ярдәм йөзеннән оештырылган.

Ярышларда катнашучылар 10 көн дәвамында бер сәгать йөгерәчәк һәм вакытны таймерда билгеләячәк. Спортчылар рейтингы вакытны санауның классик схемасы буенча түгел, ә километраж буенча төзеләчәк. Көндәлек тренировкалар нәтиҗәләрен оештыручылар кабул итәчәк, ә катнашучылар уңайлыгы өчен гомуми чат булдырылачак. Иң тиз йөгерүчеләрне финалда бүләкләр көтә.

Ярышлар сайтында катнашу шартларын белергә, шулай ук теркәлергә мөмкин. Теркәлү 21-нче майга кадәр ачык булачак. 1-нче июньдә оештыручылар нәтиҗәләр ясаячак һәм җиңүчеләрне игълан итәчәк, дип хәбәр итә TIMERMAN спорт чаралары сериясе матбугат хезмәте.

Исегезгә төшерәбез, коронавирус инфекциясе аркасында Казан марафоны 15-16 августка күчерелде. Оештыручылар спортчыларның сәламәтлеген тәэмин итү өчен шундый карар кабул иткән.