Казанлыларны тимераякта шуарга өйрәтәчәкләр

(Казан шәһәре KZN.RU, 18-нче декабрь). «Черек күл» паркында фигуралы шуу буенча мастер-класслар сериясе узачак. Дәресләрне 2019 елгы Универсиаданың бронза призеры Арина Пашина үткәрәчәк.

Фигуралы шуу буенча бушлай дәресләр 22-нче, 30-нчы декабрь, 3-нче, 5-нче, 8-нче һәм 11-нче гыйнварда 11.00 сәгатьтә узачак. Шәхси тимераяк белән керү бушлай, тимераякларны прокатка алу - сәгатенә 150 сум, дип хәбәр итә Казан парклары һәм скверлары дирекциясенең матбугат хезмәте.

Исегезгә төшерәбез, «Черек күл» паркында шугалак 20-нче декабрьдә ачылачак.
Кышкы сезонда Казанда 78 хоккей тартмасы, 19 шугалак, 12 чаңгы базасы һәм 8 яктыртылган чаңгы трассасы эшләячәк. Аларның адреслары һәм эш графигы белән сылтама буенча танышырга мөмкин.