Горький паркында мәдәни чәршәмбе: мастер-класслар, фильм күрсәтү һәм диджей-сетлар

Чарада Илгиз Шәйхразыев чыгыш ясаячак

Фото: Марат Мөгыйнов

(Казан шәһәре KZN.RU, 12 нче июль). Бүген Казанның Горький паркында «Мәдәни мохит» проекты чарасы узачак. «Без – буын» кичәсе төрле яшьтәге казанлыларның мәнфәгатьләренә багышланачак.

Шәһәрлеләр өчен сумкалар һәм открыткалар бизәү буенча мастер-класслар оештырыла. Шулай ук паркта ачык һавада кинотеатр ачылачак, анда «Уолтер миттиның искиткеч тормышы» комедиясе күрсәтеләчәк. Кичәнең музыкаль бизәлешен диджей Nintendo һәм җырчы Илгиз Шәйхразыев тәэмин итәчәк.

Мәйданчыклар 19:00 сәгатьтә ачылачак, керү ирекле. Программада һава торышы аркасында үзгәрешләр булырга мөмкин, дип хәбәр иттеләр Казан Башкарма комитетының Мәдәният идарәсендә.

Шулай ук укыгыз

Барлык вакыйгалар