Макияж буенча мастер-класс, зумба һәм фильм карау – Тимерьюлчылар мәдәният йортында Өлкәннәр көнен билгеләп үтәчәкләр

Фото: Денис Гордийко

(Казан шәһәре KZN.RU, 27 нче сентябрь). Казан Тимерьюлчылар мәдәният йортында Өлкәннәр көне билгеләп үтеләчәк. Чара 2 нче октябрьдә булачак, программада – мастер-класслар, уеннар, фильм карау һәм концерт. Шулай ук теләгән һәркем чәй эчүгә кушыла алачак.

Активлыклар расписаниесе:

9:00 – «Муен өчен гимнастика» мастер-классы;

10:00 – макияж буенча мастер-класс;

11:00 – зумба дәресләре;

12:00 – рәсем сәнгате буенча мастер-класс;

14:00 – шашка һәм шахмат уеннары;

15:00 – «Стажер» фильмын карау;

17:00 – вокал буенча мастер-класс;

17:30 – коллективларның бәйрәм концерты.

Барлык теләүчеләр өчен керү ирекле, дип хәбәр иттеләр учреждениедә.

Исегезгә төшерәбез, 1-10 нчы октябрьдә Казанда Өлкәннәр ункөнлеге узачак. Өлкән яшьтәге шәһәрлеләр өчен фестивальләр, иҗади очрашулар, вакансияләр ярминкәләре, шулай ук ташламалар һәм акцияләр оештырыла.