Казансу ярында кар фонарьлары бәйрәме узачак

Фото: vk.com/kaz_sui

(Казан шәһәре KZN.RU, 28 нче гыйнвар). 30 нчы гыйнвар көнне Казансу ярында кар фонарьлары бәйрәме узачак. Шәһәр халкы өчен экскурсия үткәрәчәкләр һәм Рус-Немец Швейцариясе тарихы турында сөйләячәкләр, дип хәбәр итә оештыручылар.

Фестиваль махсус саклана торган табигать территориясе буенча экскурсиядән башланачак, анда катнашучылар биолог Антон Бортяковның оригиналь конструкциясе буенча кошлар һәм тиеннәр өчен җимлекләр эләчәк. Шуннан соң барлык теләүчеләр кардан манара ясый, ә эченә шәм куя алачак.

Кар фонарьларын әвәләү өчен резин перчаткалар, кардан шарлар ясый торган җайланмалар, су белән пульверизаторлар, шәмнәр, электр фонарьлары алырга мөмкин. Оештыручылар җылырак киенергә, термослар һәм чәй эчү өчен тәм-томнар алырга киңәш итә.

Катнашу бушлай, катнашучыларны җыю 14:30 сәгатьтә Бари Галиев урамы, 16 адресы буенча башланачак.