Серов бульварында яңа ел бизәге ясау остаханәсе уздырыла

Казанлыларны иртәгә бизәкләр ясарга 18:30 сәгатькә чакыралар, чарада катнашу өчен алдан теркәлергә кирәк

Парклар һәм скверлар дирекциясе фотосы

Иртәгә, 26 декабрьдә, Серов бульварында «Раштуа бизәге»н ясау буенча бушлай остаханә эшләячәк. Катнашучылар үз куллары белән СИБУР экопавильонында ак чыршыдан яңа ел бизәге ясый алачак. Чара 18:30 сәгатьтә башлана.

Остаханә барышында кунаклар йомшак венок ясаячаклар һәм аны яңа ел уенчыклары, күркәләр белән бизәячәкләр. Кирәкле материалларның барысын да оештыручылар дәрес вакытында бирәчәк. Әзер эшләнмәне үзең белән алып китеп, кирәкле урында бәйрәм бизәге буларак кулланырга мөмкин булачак.

Чарага нәниләр һәм 6 яшьтән олырак балалар чакырыла. Катнашу өчен алдан теркәлү мөһим.

Исегезгә төшерәбез, KZN.RU порталында «Казанда Яңа ел – 2026» бүлеге барлыкка килде. Биредә бәйрәм яллары турында тулы актуаль мәгълүмат тупланган. Бүлектә казанлылар мәдәни чаралар программасы, шугалакларның һәм чаңгы базаларының эш графигы белән таныша ала.

Шулай ук укыгыз

Барлык вакыйгалар