Казанның мәгълүмат технологияләре һәм элемтә идарәсе башлыгы гражданнарны кабул итәчәк

Иртәгә Казан шәһәре Башкарма комитетында гражданнарны кабул итү узачак. Очрашуны мәгълүмат технологияләре һәм элемтә идарәсе башлыгы Илшат Сәлимҗанов һәм шәһәр прокуратурасы вәкиле үткәрәчәк.

ТР башкаласында яшәүчеләрне 14:00 сәгатьтә Кремль урамы, 3 адресы буенча көтәләр. Белешмәләр өчен телефон: +7(843)223-27-77.

Исегезгә төшерәбез, 15 нче майда эшмәкәрләр ачык ишекләр көне кысаларында Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсенә мөрәҗәгать итә ала. Катнашу өчен +7(843)222-84-28 телефоны буенча алдан язылу зарур.