Татар чәй тантанасының тарихы һәм традицияләре турында Гавами урыннарда сөйләячәкләр

(Казан шәһәре KZN.RU, 17 нче август). 19 нчы августта Гавами урыннар ишегалдында «Казанның чәй юлы» лекциясе узачак. Аны тарих фәннәре кандидаты, халык ашлары һәм кулинариясе тарихчысы, этнограф Руслан Бушков үткәрәчәк.

Тыңлаучыларны татар чәй тантанасының тарихы, традицияләре һәм үзенчәлекләре белән таныштырачаклар. Спикер XVIII – XX гасыр башында Көньяк Кытайдан Монголия һәм Себер аша Россия империясенең Европа өлешенә узган Бөек чәй юлы турында сөйләячәк.

«Тәмле Казан» фестивале кысаларында узачак лекция 17:00 сәгатьтә башлана. Керү ирекле, дип хәбәр итә «Казан Кремле» музей-тыюлыгының матбугат хезмәте.

«Тәмле Казан» гастрофестивале ТР башкаласында 19 нчы һәм 20 нче августта узачак. Программада: тартар әзерләү бәйгесе, официантлар йөгереше, нутрициологтан аудиогид презентациясе, мастер-класслар, диджей-сет һ.б.