Чүп-чарны сортлауны нидән башларга? ТР Милли китапханәсендә калдыкларны аерым җыю культурасына багышланган дискуссия узачак

(Казан шәһәре KZN.RU, 13 нче ноябрь). ТР Милли китапханәсендә «Шәһәр модераторлары» программасы кысаларында «Чүп-чарның икенче тормышы: Казанда чүп-чарны сортлау культурасы ничек оештырылган» дигән дискуссия узачак.

Катнашучылар өйдә чүп-чарны ничек сортлый башларга һәм Казанда калдыкларны аерым җыю культурасы ничек формалаша икәнен беләчәк. Спикерлар чүп контейнерыннан калдыкларның кая эләгүе һәм ТР башкаласында чүп-чарны сортлау өчен нинди инфраструктура җитмәве турында сөйләячәк. Шулай ук икенчел эшкәртүгә һәм калдыкларны аерым җыюга уңай мөнәсәбәт формалаштыручы проектлар каралачак.

Дискуссия пәнҗешәмбе, 16 нчы ноябрьдә, ТР Милли китапханәсенең конференц-залында була. Чара 19:00 сәгатьтә башлана, катнашу өчен сылтама буенча теркәлергә кирәк.