Лядской бакчасында джаз кичәсе узачак

Музыкаль бәйрәмнең хедлайнеры Екатеринбургтан LOVANDA төркеме булачак.

Фото: Денис Гордийко

(Казан шәһәре KZN.RU, 30-нчы июнь). 2-нче июль көнне Лядской бакчасында джаз кичәсе узачак. Казанлылар җанлы музыка атмосферасына чума алачак.

Кунаклар алдында «Кейптаун» джаз-коллективы, Карина Җиһаншина һәм Андрей Руденко, шулай ук Мария Аксенова триосы чыгыш ясаячак. Кичәнең хедлайнеры Екатеринбургтан LOVANDA төркеме булачак. Дуэт үзенең иҗади юлын битлар язудан башлап җибәргән, тавыш белән күп экспериментлаган, ә хәзер төркем поп һәм фанк уйный.

Чара 18:00 сәгатькә планлаштырылган, дип хәбәр итә Казанның Парклар һәм скверлар дирекциясе матбугат хезмәте.

Шулай ук укыгыз

Барлык вакыйгалар