Горький исемендәге паркта казанлылар ВИЧ-инфекциягә бушлай тест тапшыра ала

Барлык теләүчеләр өчен социаль хезмәткәр белән консультацияләр оештырылачак

Фото: Марат Мөгыйнов

Җомга көнне, 29 нчы мартта, Казанда ВИЧ-инфекциягә бушлай һәм аноним рәвештә экспресс-тест тапшырырга мөмкин булачак. Медицина хезмәткәрләре Горький исемендәге паркта «Хезмәт резервлары» стадионы каршында кизү торачак.

Тема буенча материаллар:

Врач-эпидемиолог Наталья Ивойлова: Эпидемиолог-табиб Наталья Ивойлова: «Нишләптер бездә күпләр ВИЧ-инфекциягә тикшерү узарга курка»

Акция 13:00 сәгатьтән 17:00 сәгатькә кадәр уза. Барлык теләүчеләр өчен социаль хезмәткәр белән консультацияләр оештырыла.

Исегезгә төшерәбез, мондый чаралар Казанның ике мәйданчыгында июль аена кадәр үткәреләчәк.

Проект гражданлык җәмгыятен үстерү өчен алынган Татарстан гранты акчалары хисабына гамәлгә ашырыла. Акцияләр ТР Сәламәтлек саклау министрлыгының СПИД һәм йогышлы авыруларны профилактикалау һәм аларга каршы көрәш буенча республика үзәге белән берлектә оештырыла.

Шулай ук укыгыз

Барлык вакыйгалар