Казанлыларны Гавами урыннар ишегалдында кумихимо техникасында бизәкле беләзекләр ясарга өйрәтәчәкләр

Фото: «Казан Кремле» музей-тыюлыгы

(Казан шәһәре KZN.RU, 27 нче июль). Якшәмбе, 30 нчы июльдә, Казан Кремленең ишегалдында бизәкле беләзек ясау буенча бушлай мастер-класс узачак. Катнашучыларны кумихимо – җепләрдән үрү борынгы япон техникасы буенча бизәк ясарга өйрәтәчәкләр.

Дәрескә җиде яшьтән өлкәнрәк теләгән һәркем кушыла ала. Моның өчен сылтама буенча теркәлергә кирәк. Мастер-класслар 10:00, 10:30 һәм 11:00 сәгатьләрдә узачак.

Яңгыр яисә һава температурасы 15 градустан түбән булган очракта, очрашуны Һөнәрчелек үзәгенә күчерәчәкләр (Гавами урыннар бинасы, 2 нче подъезд, 2 нче кат), дип кисәтә «Казан Кремле» музей-тыюлыгының матбугат хезмәте.