И.Метшин укытучылар турында: «Һәр белгеч алтын бәясенә тиң, безнең бурыч – талантларны саклап калырга һәм үстерергә мөмкинлек бирә торган шартлар тудыру»

Казанның 1926 педагогы социаль ипотека буенча торак алды

2016 елдан 2024 елга кадәр Казанда социаль ипотека программасы ярдәмендә 1926 укытучы, шул исәптән 185 яшь белгеч торак шартларын яхшыртты. Бу хакта бүген Казан мэры Илсур Метшин мәгариф хезмәткәрләренең август конференциясендә хәбәр итте.

«Бу квадрат метрлар гына түгел – ул системада калырга, планнар төзергә һәм аның белән бергә үсәргә ярдәм итә торган тотрыклылык», — дип ассызыклады мэр, мәгариф хезмәткәрләре өчен уңайлы шартлар булдыруның мөһимлеге турында сөйләгәндә.

Шул ук вакытта Илсур Метшин билгеләп үткәнчә, Казанда мәгариф өлкәсендә кадрлар кытлыгы сизелә, һәр белгеч алтын бәясенә тиң, һәм җирле хакимиятнең бурычы – талантларны саклап калырга һәм үстерергә мөмкинлек бирә торган шартлар тудыру. Ул ассызыклаганча, педагогларның һөнәри һәм шәхси иминлеге турында кайгырту бик мөһим.

Быел яңартылган Мәгариф хезмәткәрләре йортын ачу планлаштырыла. Бу киңлек укытучылар ярдәм, илһам һәм һөнәри үсеш өчен мөмкинлекләр алачак урын булырга тиеш.

«Бүген без сезнең кадрлар белән эшләү буенча шәһәр лидерларының берсе булуыгызны күрәбез. Күрәбез, сез мэриядән иң яхшы тәҗрибәләрне үзләштерәсез, аларны үз өлкәләрегезгә яраклаштырасыз һәм үзегезнең нәтиҗәле карарларыгызны булдырасыз», – дип мөрәҗәгать итте шәһәр башлыгы педагогларга, «Казан мәгарифе» келәймәсен хәтта чит илдә дә беләбез, дип өстәде.