Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
01.03.2021, 13:42

И.Метшин: «Безнең алда яңа чакыру – без бөтен Казан агломерациясе территориясен комплекслы үзләштерергә тиеш»

Мэр төзүчеләрне шәһәр тибындагы поселоклар инфраструктурасы белән эшләргә чакырды.

Фото: Казан шәһәре KZN.RU

(Казан шәһәре KZN.RU, 1-нче март, Ксения Швецова). Торак микрорайоннар төзү һәм территорияләрне комплекслы үзләштерү, кирәкле барлык инфраструктураны төзеп, Казан агломерациясен үстерү кысаларында шәһәр яны бистәләренә таратылачак. Бу хакта Татарстан башкаласы Мэры Илсур Метшин эшлекле дүшәмбедә белдерде.

«Соңгы елларда шәһәр территорияләрен үстерүгә карашларыбыз тамырдан үзгәрде: алар территорияләрне комплекслы үзләштерүгә юнәлдерелгән һәм җитлеккәнрәк төс алды, – диде И.Метшин. – Без элекм төзелә торган теләсә нинди йортка, аннары торак комплексларына сөенгән вакытлар да булды. Бүген исә без территорияләрне комплекслы үзләштерү турында сүз алып барабыз».

Хәзер торак төзүчеләр социаль мохит, юл-транспорт инфраструктурасы булдыруны күздә тота, һәм төзелеш компанияләре, проектлау этабында ук, логистика һәм башка районнар белән элемтә тәэмин итәргә тиеш, дип өстәде шәһәр башлыгы. «Бүген без тагын да зуррак бурыч куябыз – без үзебезнең «сателлитлар» – шәһәр тибындагы бистәләр, бөтен Казан агломерациясе белән эшләргә тиеш. Һәм бу-яңа бурыч, яңа чакыру, ул үсеш буенча бары тик тәҗрибәле идарәчеләр тарафыннан гына хәл ителә», – дип билгеләде шәһәр башлыгы.

Исегезгә төшерәбез, Казан агломерациясен үстерү мәсьәләсен өйрәнергә һәм яшәү өчен шартлар тудырырга гына түгел, ә бистәләрдә эш урыннары булдырырга Татарстан Республикасы Президенты Рөстәм Миңнеханов күптән түгел узган Казан шәһәр Думасының V сессиясендә йөкләде. Бүген күп кенә шәһәр яны бистәләрендә яшәүчеләр, социаль объектларга эшләү яки бару өчен, Казанга күчүне яки ТР башкаласына баруны өстен күрә. Бу, үз чиратында, транспорт йөкләнешенә йогынты ясый – шәһәргә кергәндә юлларда тоткарлыклар барлыкка килә. Әмма, республика башлыгы фикеренчә, Казан янындагы территорияләрдә – Лаеш, Питрәч, Яшел Үзән, Биектау районнарында – өйләр генә түгел, индустриаль мәйданчыклар һәм социаль инфраструктуралар да төзелсә, бу проблеманы хәл итеп булачак.

Фоторепортаж
Эшлекле дүшәмбе, 01.03.20021
Видеорепортаж
01.03.2021 10:48
2020 елда Казанда 884,7 мең кв. м торак төзелгән
Барлык яңалыклар