Коронавирус тагы Казанның 19 кешесендә расланган

Коронавирус тагы Казанның 19 кешесендә расланган

<p> <img src="https://www.kzn.ru/upload/iblock/522/MMB_0846_1_.jpg"><br> </p> <p> (Казан шәһәре KZN.RU, 19-нчы июнь). Татарстанда соңгы тәүлектә коронавирус авыруының 36 яңа очрагы теркәлгән, шуларның берсе читтән алып кайтылган, калганнары авыручылар белән элемтәдән соң чирли башлаган. </p> <p> 15 авыру хастаханәгә озатылган, 21 кеше өйдә дәвалана - аларның авыруы симптомсыз яки җиңел формада уза. </p> <p> Коронавирус инфекциясе таралуга каршы тору буенча республика оператив штабында хәбәр итүләренчә, авыручылар арасында 2 кеше - 18 яшьтән 30 яшькә кадәр, 7 кеше - 30 яшьтән 50 яшькә кадәр, 9 кеше - 50 яшьтән 60 яшькә кадәр, 16 кеше - 60 яшьтән 70 яшькә кадәр, 2 кеше - 70 яшьтән 80 яшькә кадәр. </p> <p> 19 кеше - Казанда, 6 кеше - Яр Чаллыда, 3 кеше - Нурлат районында, 2 кеше - Яшел Үзән районында, берәр кеше Арча, Әтнә, Балтач, Югары Ослан, Биектау, Чүпрәле районнарында яши. </p> <p> 19-нчы июньгә Татарстанда барлыгы 4114 СОVID-19 авыруы теркәлгән, 2969 кеше сәламәтләнгән, шул исәптән 62 кеше - соңгы тәүлектә. 1133 кеше дәвалануларын дәвам итә. </p> Федераль оператив штаб мәгълүматы буенча, Россиядә бер тәүлек эчендә коронавирус инфекциясе белән авыруның 7972 яңа очрагы расланган. Шул рәвешле, илдә барлыгы 569 мең 63 кеше авырган. 324 мең 406 кеше сәламәтләнгән, 7841 кеше үлгән.

2020-06-19T12:36:23+0300