Казан буенча беренче экологик йөзүдә 310 килограмм чүп-чар җыйдылар

Казан буенча беренче экологик йөзүдә 310 килограмм чүп-чар җыйдылар

<p> </p> <div class="detail-picture"> <img src="https://kzn.ru/upload/iblock/1eb/DSC_8707-870.jpg"> <p class="detail-picture__caption"> Фото: Казан парклары һәм скверлары дирекциясе </p> </div> <p> (Казан шәһәре KZN.RU, 28-нче июнь). Казанкада беренче экологик йөзү узды. Елганы үстерү стратегиясе кысаларында катамараннарда бер көнлек экспедиция оештырылды. Маршрут Урманче бистәсендәге Главная урамы, 21-нче йорттан башланды һәм Казансу Зәңгәр күлләргә коя торган урын янында тәмамланды. </p> <p> Беренче экойөзүдә 37 кеше катнашты – волонтерлар һәм оештыручылар үзләре. Алар 5 катамаранда елга үзәнен чистартырга киттеләр. Экспедициядә катнашучылар Казансу буйлап 11,5 км йөзеп үттеләр һәм аларга юлда очраган чүп-чарны җыйдылар. Барлыгы 310 кг авырлыктагы калдыклар белән 50 капчык җыелды. </p> <p> Чараны Казан парклары һәм скверлары дирекциясе, «ТР шәһәрләре үсеше институты» фондының табигать территорияләрен һәм экотуризмын үстерү буенча дирекциясе, Авиатөзелеш һәм Яңа Савин районнары администрациясе, Татарстанның Биектау районы администрациясе, шулай ук йөзүләр оештыра торган фирмаларның берсе оештырды. Катнашучылар өчен төшке аш, шулай ук Казаннан трансфер һәм экспедиция тәмамлангач кире кайту каралган иде. </p> <p> Оештыручылар билгеләп үткәнчә, мондый чаралар елганың тагын да пычрануын булдырмый калырга, шулай ук яр буе флорасын һәм фаунасын коткарырга ярдәм итәргә сәләтле. Сулык үзәнен чистарту Зәңгәр күлләр тирәсендәге экологик хәлгә турыдан-туры тәэсир итә. Быел Казансу елгасының үсеш стратегиясе кысаларында экологик өмәләр, балтырганга каршы көрәш акциясе, орнитологик экскурсия, Казансу һәм плоггинг суларының сыйфатын тикшерү үткәрелде, дип хәбәр итә Казанның Парклар һәм скверлар дирекциясе. </p> <p>   </p>

2021-06-28T17:15:00+0300