179 нчы гимназиянең мәктәп музее «Хәтер исән» бәйгесендә җиңү яулады

Бәйгегә 8 меңнән артык гариза кабул ителгән

Фото Мәгариф идарәсеннән алынды

179 нчы гимназиянең мәктәп музее мәктәп музейларының Бөтенроссия «Хәтер исән» тарихи хәтер бәйгесендә җиңү яулады. «Еллар аша» экспозициясе «Виртуаль дөнья» номинациясенә тәкъдим ителгән. Бәйге апрельдән декабрьгә кадәр дәвам иткән һәм аңа сигез меңнән артык гариза тапшырылган.

«Виртуаль дөнья» номинациясендә катнашу өчен музей командасына заманча технологияләр кулланып мәктәп музее экспозициясе буенча виртуаль тур күрсәтергә кирәк булган.

Гимназиядә мәктәп музее бу елны ачылган. Аны ярты ел дәвамында булдырганнар. Әлеге музей Казанның иң зур һәм заманча күргәзмә киңлекләренең берсе санала.

Беренче зал эчендә 10 локацияне: «Сугышчы бүлмәсе», «Брест крепосте», «Мәскәү өчен сугыш», «Вагон-госпиталь», «Тыл», «Ленинград блокадасы», «Сталинград», «Землянка», «Освенцим» һәм «Җиңү» экспозицияләрен күрергә була.

Хәтерне шул заманнардан сакланып калган әйберләр яңарта: карталар, фотообойлар, туңдырма ясау җайланмасы, белдерү торбалары, манекеннар, әрҗәләр, снаряд муляжлары, капчыклар, битлек-халатлар, танкка каршы чаралар, окоплар, караватлар, медицина җайланмалары һәм җиһазлары, патефоннар, завод станогы, көнкүреш әйберләре, тимер мич, саклану челтәрләре һәм такталар үткәннәрне искә алырга ярдәм итә.

Музейның махсус хәрби операциягә багышланган икенче залы да бар. Монда хәрби хәрәкәтләр зонасыннан кайтартылган экспонатлар һәм сугыш вакытында безнекеләр тарафыннан кулга төшерелгән дошман кораллары, манекеннар һәм тематик граффити урнаштырылган.

Әлеге киңлекне булдыруда укучыларның ата-аналары зур ярдәм күрсәткән. Музейга Казан дары заводы снаряд муляжлары, ә шәһәр компанияләренең берсе завод станогы бүләк иткән.

Шулай ук укыгыз

Барлык яңалыклар