Футбол буенча Россия Суперкубогы өчен матчка әзерлек һәм аны уздыру чорында берничә урам буйлап транспорт хәрәкәтен чикләячәкләр

Ярышлар «Краснодар» һәм ЦСКА командалары арасында узачак

Татарстан башкаласында «Краснодар» һәм ЦСКА командалары арасында футбол буенча Россия Суперкубогы өчен матчка әзерлек һәм аны уздыру чорында транспорт хәрәкәтен берничә урам буйлап чикләячәкләр.

12 июльдә 14:00 тән 23:00 кә кадәр юлның түбәндәге участокларында транспорт хәрәкәтен чикләячәкләр:

Чистай урамы буйлап, А.Бичурин урамыннан Ямашев проспектына кадәр (ике юнәлештә дә);

С.Хәким урамы буйлап, Ф.Әмирхан урамыннан Чистай урамына кадәр (ике юнәлештә дә);

Ямашев проспекты буенча, Адоратский урамыннан Себер тракты урамына кадәрге участокта (ике юнәлештә дә);

Академик Арбузов урамы буенча, Журналистлар урамыннан Ямашев проспектына кадәр;

Чистай урамындагы 75а номерлы йорттан 75 номерлы йортка кадәр (ике юнәлештә дә);

«Ак Барс Арена» стадионы тирәсендәге автомобиль юлы буйлап;

Гаврилов урамының ярдәмче юлы буенча, Маршал Чуйков урамыннан Чистай урамына кадәрге участокта;

күпер корылмасы буенча (3 транспорт дамбасы ярдәмче юлы).

Исегезгә төшерәбез, ремонт эшләре белән бәйле хәрәкәт чикләүләре турында мәгълүмат махсус бүлектә бастырыла.

Шулай ук укыгыз

Барлык яңалыклар