ТР халыкларының җиде туе һәм балачак йолалары: 3 нче июльдә Казанда «Тормыш агачы» проекты чарасы узачак

Казанда бу җәйдә «Тормыш агачы» проекты кысаларында ике чара узачак: «ТР халыкларының җиде туе» һәм «Балачак йолалары».

Аларның беренчесе 3 нче июльдә 18:00 сәгатьтә Горький исемендәге паркта үтә. Кичәдә шәһәрлеләр һәм Казан кунаклары республиканың төп халыкларының туй гореф-гадәтләре турында белә алачак. Җиде милли ишегалдында Татарстан районнарының фольклор коллективлары интерактив программалар тәкъдим итәчәк.

Бәйрәмнең кунаклары өчен шулай ук тематик мастер-класслар, «Кодагыйда кунакта» мәйданчыгы, кияү һәм кәләшләр парады һәм «ХХ–ХXI гасыр фотографлары күзлегеннән Идел буе халыкларының туй йолалары» фотокүргәзмәсе оештырачаклар. Бәйрәмнең иң яшь катнашучыларына балалар өчен мастер-класслар зонасы эшләячәк. Сәхнәдә Татарстан, Мари Эл, Чувашия һәм Удмуртиянең фольклор ансамбльләре чыгыш ясаячак.

Икенче чара – «Балачак йолалары» – 7 нче августта 18:00 сәгатьтә шулай ук Горький исемендәге паркта узачак. Кунакларга бала туу, исем кушу, саклаулар һәм халык уеннары белән бәйле традицияләрнең күптөрлелеген тәкъдим итәчәкләр.