Казанда ел башыннан бирле үзмәшгульләр саны өчтән бер өлешкә арткан

Казанның кече предприятиеләренең әйләнеше беренче алты ай нәтиҗәләре буенча узган елның шул ук чоры белән чагыштырганда 11,5% ка арткан һәм 507 млрд сум тәшкил иткән, ә кече предприятиеләр хезмәткәрләренең уртача хезмәт хакы 31 мең 939,6 сум тәшкил иткән, бу 17,8% ка артык. 

Шәһәрнең кече предприятиеләрендә якынча 156 мең кеше эшли, ә кече һәм урта эшмәкәрлек субъектлары саны – 79 мең берәмлек. Үзмәшгульләр саны ел башыннан 32% ка арткан һәм 76 мең 364 кеше тәшкил иткән. 

Агымдагы елның 9 аенда шәһәр казнасына кече эшмәкәрлек субъектларыннан алынган салымнар суммасы 5,5 млрд сум булган – узган елның шул ук чоры белән чагыштырганда 11,7% ка артык. 

Ел башыннан шәһәрдә эшсез гражданнар саны 651 кешегә, 4671 кешедән 4010 кешегә кадәр, эшсезлек дәрәҗәсе 0,73% тан 0,62% ка кадәр кимегән. 

Шәһәр икътисадында эшсезлек дәрәҗәсен киметү өчен резервлар җитәрлек – башкаланың 1760 эре, урта һәм кече оешмалары 19 меңнән артык эш урыны тәкъдим итә. Вакансияләр структурасында 60% тан артыгы эшче белгечлекләр буенча вакансияләр тәшкил итә, хезмәткәрләр белгечлеге вакансияләрнең гомуми санының 40% ын гына алып тора.