2022 елда милек салымнары күләме 3,8 млрд сум тәшкил итте

Казанга 2022 ел өчен физик затларга исәпләнгән салым күләме 3 млрд 823 млн сум тәшкил иткән, шул исәптән транспорт салымы 1 млрд 861 млн сум, милеккә салым 1 млрд 474 млн сум, җир салымы 488 млн сум.

Хәзерге вакытта Казан территориясеннән Татарстанның берләштерелгән бюджетына барлыгы 1 млрд 149 млн сум күләмендә милек салымнары кергән, шул исәптән 563 млн сум – транспорт салымы, 442 млн сум – милек салымы, 144 млн сум – җир салымы.

Транспорт салымы ТР бюджетына керә, милеккә салым һәм җир салымы Казан бюджетына күчерелә.

Исегезгә төшерәбез, 1 нче декабрьгә кадәр физик затларга милек салымнарын (транспорт һәм җир салымнары, 2022 ел өчен милек салымы) түләргә кирәк. Салым агенты тарафыннан салым тотылмаган физик затларның табышы өчен дә түләргә кирәк.