Казан турында

Казан гербы

  Казан шәһәренең заманча гербы 2004 елда кабул ителде. Ул аскы почмаклары түгәрәкләнгән дүртпочмаклы, очлы геральдик щитка төшерелгән сурәттән гыйбарәт.

Гербта Зилант аҗдаһа – татар легендаларыннан мифик зат сурәтләнгән. Зилант XVI гасырда ук (башка мәгълүматлар буенча - XVII гасырда), Казан рус шәһәренә әверелүгә үк, шәһәр гербында була.

Сурәтнең геральдик тасвирламасы түбәндәгеләр турында сөйли: "Көмеш кырда яшел басуда кара кызыл канатлы һәм телле, алтын аяклы, тырнаклы һәм күзле, алтын таҗ кигән кара аҗдаһа. Щитка Казан бүреге кигезелгән.

Аҗдаһа кешегә иҗади һәм уңайлы көч булып тора, гадәттән тыш гамәли көчкә ия, көчне, бөеклекне, тормышны, яктылыкны, зирәклекне, җиңелмәс көчне, үлемсезлекне һәм мәңгелек яңарышны символлаштыра. Ук формасындагы тел импульс, тизлек һәм максатчанлыкны аңлата. Җир - тормыш һәм байлыкны саклаучы, тормыш символы. Таҗ - үсешнең югары баскычына ирешү символы. Казан бүреге территория башкаласы буларак Казан статусын һәм аларның борынгы традицияләрен күрсәтә.

Герб төсләре дә символик мәгънәгә ия. Яшел төс - яз, шатлык, өмет, табигать символы, муллык, чәчәк атуны, тотрыклылыкны аңлата. Алтын - югары кыйммәтләр, байлык, бөеклек, тотрыклылык, ныклык, көч, игелек, интеллект, интуиция һәм алдан күрү сәләте, кояш яктысы символы. Көмеш төс - камиллек, вөҗданлылык, уй-фикерләрнең чисталыгы, тынычлык символы. Кара кызыл төс - кыюлык, батырлык, курку белмәслек, җитлегү, энергия, яшәүгә сәләтлелек символы. Кара төс - игелеклелек, зирәклек, намуслылык, тыңлаучанлык һәм яшәешнең мәңгелек символы.

Казан флагы

  Казан шәһәре флагы яклары 2:3 тәшкил иткән үзәгендә герб композициясен сурәтләгән турыпочмаклы тукымадан гыйбарәт: тукыманың күпчелек ак өлешендә 4/5 киңлектә яшел полосада торган тукыманың 1/5 киңлегендә кара кызыл канатлы Һәм теле, алтын аяклы, тырнаклы һәм күзле кара аҗдаһа сурәтләнгән.

Казан шәһәре флагы классик герблы флаг, ягъни тукыманың тулы өслегенә таралган герб композициясе белән флаг булып тора.

Флагның төсләре символик мәгънәгә ия:

Яшел төс - яз, шатлык, өмет, табигать символы, муллык, чәчәк атуны, тотрыклылыкны аңлата.

Алтын - югары кыйммәтләр, байлык, бөеклек, тотрыклылык, ныклык, көч, игелек, акыл һәм кояш нурларының символы.

Ак төс - камиллек, вөҗданлылык, уй-фикерләрнең чисталыгы, тынычлык символы.

Кара кызыл төс - җитлегү, энергия, көч, тормыш, яшәүгә сәләтлелек символы.

Кара төс - акыл, зирәклек, гаделлек, тыйнаклык һәм яшәешнең мәңгелек символы.

Казан Мэрының вазыйфаи билгесе

 

Казан Мэрының геральдика символы буларак вазыйфаи билгесен эшләү турындагы карар Казан халык депутатлары Советы тарафыннан 2005 елның мартында кабул ителде. Аның нинди булырга тиешлеген билгеләү өчен башка шәһәрләрнең. шул исәптән Европа шәһәрләренең дә, вазыйфаи билгеләре өйрәнелде. Мэр билгесен 2005 елның августында Санкт-Петербург ювелирлары ясаган. Дизайн Казанда эшләнгән.

Вазыйфаи билге медальоннан һәм чылбырдан тора. Медальон - Зилант сурәте төшерелгән геральдик щит. Щитны Казан бүреге тәмамлый. Аста түбәндәге язу: "КАЗАН МЭР КАЗАНЬ". Чылбыр буыннарында шәһәр ачкычы, Казанның җиде районы эмблемалары һәм администрация (мэрия) бинасы сурәтләнгән, калган буыннар орнамент белән бизәлгән.

Чылбыр һәм буыннар көмеш, алтын, кыйммәтле ташлардан ясалган. Россия традициясе буенча уникаль геральдик эшләнмә эмальне бизи, өстәвенә, Кызыл эмаль дип аталган иң катлаулы төрлелек аны махсус Россия зәркәнчеләре эшләгән.

Казан Мэрының вазыйфаи билгесе аның хакимиятенең Казан шәһәренең иң югары вазыйфаи зат буларак символы булып тора һәм аның эш кабинетында саклана. Мэр вазыйфаи билгене тантаналы һәм рәсми чараларда, гражданнарга Казан шәһәре дәүләт бүләкләре һәм бүләкләрен тапшырганда тапшыра.