Казан билбау көрәше буенча дөнья чемпионатын кабул итәчәк

Ярышларга 36 илдән катнашучылар киләчәк.

Фото: Денис Гордийко

(Казан шәһәре KZN.RU, 21-нче октябрь). Казан билбау көрәше буенча XIX дөнья чемпионатын кабул итәчәк. Ярышлар 27-нче октябрьдән 30-нчы октябрьгә кадәр «Ак Барс» көрәш сараенда узачак һәм 36 илдән катнашучыларны җыячак.

Дөнья чемпионаты, гамәлдәге халыкара судьялык кагыйдәләре нигезендә, ирекле һәм классик стильләр буенча үткәрелә. Призлы урыннар ир-атлар һәм хатын-кызлар арасында берничә авырлык категориясендә уйнатылачак, дип хәбәр итә ТР Спорт министрлыгының матбугат хезмәте. Ир-атлар ирекле стиль белән билбау көрәшендә 57 кг, 62 кг, 68 кг, 75 кг, 82 кг, 90 кг, 100 кг һәм 100 кг, классик стиль белән – 57 кг, 62 кг, 68 кг, 75 кг, 82 кг, 90 кг, 100 кг һәм 100 кг нан артык авырлык категорияләрендә чыгыш ясаячак. Хатын-кызлар (ирекле стиль) 52 кг, 58 кг, 66 кг, 76 кг һәм 76 кг нан артык авырлык категорияләрендә көч сынашачак.

Чемпионат программасы белән сылтама буенча танышырга мөмкин.

Шулай ук укыгыз

Барлык вакыйгалар