Квадларда бию буенча мастер-класс, күнекмәләр һәм лекция: «УРАМ» паркында бәйрәмгә нәрсәләр әзерләгәннәр

7 һәм 8 мартта, Халыкара хатын-кызлар көне уңаеннан, Казан кызлары «УРАМ» экстрим-паркында бушлай чараларга килә ала. Аларны хатын-кызлар сәламәтлеге турында лекцияләр, сыгылмалылыкны үстерү өчен күнегүләр, шулай ук квадларда бию буенча мастер-класс көтә.

Беренче вакыйга 7 мартта 18:00 сәгатьтә булачак. «Нуриевлар Клиникасы» белгечләре хатын-кызлар сәламәтлеге турында лекция укыячак. Врач-эндокринолог Константин Троицкий стрессның гормональ системага йогынтысы турында сөйләячәк. Контрацепция, ңенси юл белән күчә торган авырулар һәм профилактика турында акушер-гинеколог, хирург Диана Галәветдинова сөйләячәк. Сылтама буенча теркәлергә мөмкин.

Олеся Илюхинаның ачык күнегүләрендә кызлар үзләренең сыгылмалылыгын, хәрәкәт координациясен һәм чыдамлыгын яхшырта алачаклар. Ул бию залында 8 мартта 11:30 да узачак. Катнашу өчен теркәлергә кирәк.

Казанда яшәүче хатын-кызлар өчен Юлия Долговыхның квадларда бию буенча мастер-классы йомгаклый торган чара булачак. Ул 8 мартта 18:00 сәгатьтә узачак. Теркәлү сылтама буенча.

Шулай ук Халыкара хатын-кызлар көне уңаеннан ресепшенда әни, әби, дус кыз яки апа өчен котлау хатлары алырга мөмкин булачак, дип хәбәр иттеләр «УРАМ» экстрим-паркында.