ТР Милли китапханәсендә корея теле буенча мастер-класс узачак

Катнашу алдан теркәлү буенча бушлай.

Фото: Денис Гордийко

(Казан шәһәре KZN.RU, 6 нчы сентябрь). 8 нче сентябрьдә Татарстан Милли китапханәсендә корея теле буенча мастер-класс узачак. Бушлай дәрестә укучылар алфавит, лексика һәм грамматиканы өйрәнәчәк, Корея мәдәнияте турында фикер алышачак һәм төркемнәрдә эшләячәк.

Дәресне чит телләр һәм халыкара имтиханнарга әзерлек үзәге педагогы үткәрәчәк. Мастер-класска керү – алдан теркәлү буенча.

Дәрес 18:30 сәгатьтә башлана, дип хәбәр итә ТР Милли китапханәсенең матбугат хезмәте.

Шулай ук укыгыз

Барлык вакыйгалар