«Черек күл» паркында фигуралы шуу буенча мастер-класс узачак

(Казан шәһәре KZN.RU, 4-нче гыйнвар). 5-нче гыйнварда «Черек күл» паркында фигуралы шуу буенча мастер-класс узачак. Дәресне 2019 елгы Универсиаданың бронза призеры Арина Пашина үткәрәчәк.

Бушлай дәрес 11.00 сәгатькә планлаштырылган. Үз тимераякларың белән керү ирекле, тимераякларны прокатка алу-сәгатенә 150 сум.

Фигуралы шуу буенча мастер-класслар сериясе 8-нче һәм 11-нче гыйнварда дәвам итәчәк, дип хәбәр итә Парклар һәм скверлар дирекциясенең матбугат хезмәте.

Исегезгә төшерәбез, бу кышкы сезонда Казанда 78 хоккей тартмасы, 19 шугалак, 12 чаңгы базасы һәм 8 яктыртылган чаңгы трассасы эшли. Аларның адреслары һәм эш графигы белән сылтама буенча танышырга мөмкин.