В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
«Центральный» физик тәрбия-спорт берләшмәсендә шөгыльләнүче егет өчле сикерүдә 15,77 метр күрсәткечкә ирешеп, җиңү яулаган
Физик тәрбия һәм спорт комитеты фотосы
«Центральный» физик тәрбия-спорт берләшмәсендә шөгыльләнүче Дамир Гайнетдинов «Раштуа кубогы» Бөтенроссия ярышларында өчле сикерүдә җиңү яулаган. Казан спортчысының күрсәткече – 15,77 метр.
Мәскәүдә узган ярышларда илнең 35 төбәгеннән барлыгы 300 дән артык спортчы катнашкан. Көндәшләренең күп булуына карамастан, Дамир Гайнетдинов аларны узып, остазы Галина Фәйзуллина җитәкчелегендә искиткеч нәтиҗәләргә иреште, дип хәбәр итә Физик тәрбия һәм спорт комитеты матбугат хезмәте.
Исегезгә төшерәбез, Казанның Мирный бистәсендә урнашкан чаңгы-биатлон комплексында 15–18 гыйнвар көннәрендә чаңгы ярышлары буенча Россия Кубогының алтынчы этабы уздырыла. Ярышларда Россиянең 32 субъектыннан һәм Белоруссия Республикасыннан 230 дан артык чаңгычы катнаша.