Казанда 113 мәктәп рестораны эшли

2019 елдан башлап Казанда үткәрелә торган мәктәп азык-төлек блокларын масштаблы реконструкцияләү вакытында шәхси дизайнлы, уңайлы мебельле һәм модернизацияләнгән җиһазлар белән ясалган заллар 113 мәктәптә барлыкка килде. Яңа мәктәпләрне реконструкцияләү һәм ачу нәтиҗәсендә ашханәләрдә урыннар саны якынча 6,5 меңгә артты.

Уку елы башына 43 мәктәп ашханәсенә ремонт ясалды һәм җиһазлар яңартылды. Алар өчен 18 суыткыч камерасы, 41 савыт-саба юу машинасы, 37 пароконвектомат һәм 37 плитә сатып алынды, яңа савыт-саба, шулай ук төшке аш заллары өчен декор элементлары (киштәләр, кашпо, белем бирә торган постерлар) сатып алынды. Тагын 34 мәктәптә, өстәмә рәвештә, ремонтланган җиһазлардан тыш, искергәннәре алмаштырылды.

Быел тагы 31 мәктәптә ашханәләрне реконструкцияләү планлаштырыла.

3 ел эчендә ашханәләрдәге җиһазларны һәм мебельне реконструкцияләүгә 700 млн сум акча тотылган, шул исәптән Казан бюджетыннан – 170 млн сум, Татарстан Республикасы бюджетыннан – 297,4 млн сум. Мәктәп азык-төлек блокларын модернизацияләүгә тагын 232,3 млн сумны «Казанның азык-төлек һәм социаль туклану департаменты» АҖ юнәлдергән.